Éisleker Geschichtsfuerscher on Tour
Hei sinn e puer Informatiounen zu eisen Ausflich
B-17G
Den 21. Mäerz 2026 si mir op Bastnech an de War Room gaangen, wou d’Iwwerreschter vun enger B-17G ausgestallt sinn, deen zu Feschbesch ofgestierzt ass. De Patrick Murphy huet eis d’Geschicht vun dëser “Flying Fortress” erzielt, déi den 14. Januar 1945 ofgeschoss gouf. Et war eng spannend an beandrockend Geschicht, déi weist, wéi vill Recherche néideg war, fir d’Onglécksplaz schlussendlech ze lokaliséieren, an mat wéi vill Léift an Engagement d’Detailer vun dësem Puzzle – souwuel vum Fliger selwer wéi och vu senger Geschicht – erëm zesummegesat goufen.
Hei fannt Dir weider Informatiounen zum Thema:
PORTE-OUVERTE
De 27. September 2025 hunn mir eng Porte ouverte am Schofstall organiséiert. Nieft geféierte Visitten duerch eis Sammlung gouf et selwergemaachte Leckereien.
Hengescht
Den 16. Juli 2025 hunn mir d’Ausgruewung zu Hengescht besicht. Eis Memberen konnten d’Fräileeë vun zwee fréiréimesche Griewer matverfollegen. Den Iliya Hadzhipetkov vum INRA huet erkläert, wéi esou eng Ausgruewung ofleeft a wat genee bis dohin fonnt gouf respektiv vum Site gewosst war.
Tëtelbierg
Den 17. Oktober 2024 waren mir op Besuch am Centre Régional de Recherche Titelberg (CRRA).
Um Programm stoungen e guidéierten Rondgang iwwert den Oppidum, eng Visite vum Fuerschungszentrum, souwéi e gemeinsamt Mëttegiessen bei der Giedel.
Belginum
De 15.10.2023 ware mir an den Archäologiepark BELGINUM zu Wederath wo mir d'Sonderausstellung zum 20. Jubiläum vum Park kucke waren
Tréier
Den 31. August 2022 waren mir op Tréier, d'Ausstellung iwwert den Ennergang vum Réimesche Räich kucken
